"ஆயிரம் முத்தங்களுடன் தேன்மொழி" படக்குழுவினருக்கு உலகநாயகனின் பாராட்டுக்கள்.

Art & Entertainment / கலை பொழுது போக்கு

[3/22/2012 ] [Dharshini U. ]

"ஆயிரம் முத்தங்களுடன் தேன்மொழி" படக்குழுவினரை உலகநாயகன் கமல்ஹாசன் பாராட்டியுள்ளார்.

திரையுலகில் அறிமுகமாகிற புதிய படங்களை தவறாமல் பார்த்துவிடுவார் உலகநாயகன். பின்பு, அதில் பணியாற்றிய நடிகர்கள், நடிகைகள், இயக்குனர் மற்றும் பணியாளர்களுக்கு வாழ்த்துக்கள் தெரிவிப்பார். கொலிவுட்டில் இளம் சினிமா கலைஞர்களை ஊக்குவிப்பதில் உலகநாயகன் கமல்ஹாசனுக்கு அளப்பெரிய பங்குண்டு.

அந்தவகையில் இயக்குனர் சேரனின் உதவி இயக்குநராக பணியாற்றிய ஷண்முகராஜ், ஆயிரம் முத்தங்களுடன் தேன்மொழி படத்தை எழுதி இயக்கியுள்ளார்.

இந்தப்படத்தை சமீபத்தில் பார்த்த உலகநாயகன் கமல்ஹாசன் படத்தில் பணியாற்றிய அனைவரையும் பாராட்டியுள்ளார்.

இப்படத்தில் மொத்தம் 71 புதுமுகங்கள் நடித்துள்ளனர். இவர்களுக்கு 372 நாட்கள் நடிப்புப் பயிற்சி கொடுத்த இயக்குநர், முழுக் காட்சிகளையும் முதலில் ஒரு கை கமெராவில் பதிவு செய்து படமாக்கிய பின்பே, தனியாக சினிமாவுக்கென்று ஒரு படப்பிடிப்பு நடத்தியுள்ளார்.

உங்க காதல் ஜெயிக்க, 5 (T)யை பின்பற்றுங்க. கண்டிப்பா உங்க காதல் வெற்றி பெற்றுவிடும் போன்ற இப்படத்தின் முன்னோட்ட காட்சியில் இடம்பெற்ற வசனங்கள் காதலர்களுக்கு மத்தியில் வரவேற்பை பெற்றன.